Logoga keladigan bo‘lsak, logoda gul sifatida o‘sib turgan anor ifoda etilgan. Turkiy xalqlarning san’atida ko‘proq anor va shunga o‘xshash tabiiy gullar tasvirlaridan foydalanilgani uchun ham biz aynan mana shu elementdan foydalandik. Bundan tashqari, anor o‘z bag‘rida ko‘plab anor donalarini yashirib, saqlab turadi. Xuddi shunday Mumtaz restoranida ham bir-biridan ajoyib taomlar tayyorlanadi degan ma’noni ko‘rish mumkin.